Linux

TP-link bideratzaile neutroa moduan.

Orain dela gutxi telekomunikazio hornitzailea aldatu dugu eta ondorioz, etxeko sarea birplanteatu behar izan dut. Zerbitzari xume bat daukat etxean muntatuta eta ezin kanpora atera. Aste bat pasa nuen erotzen eta azkenean deitzea erabaki nuen. Dirudienez CG-NAT baten atzean nengoen eta horrela ezinezkoa zen. Ateratzeko eskatu eta 24 ordutan iritsi zen askatasuna. Hala ere ez zen nahikoa izan.

Enpresa honen bideratzailea mugatua dago. Zenbait gauza ezin dira egin , adibidez beharrezkoa dudan 443 portua irekitzea ezinezkoa da, portu hori, behar omen dute bideratzailean aldaketak egiteko. Bideratzaile neutro bat bilatzen hasi nintzen interneten eta Microtik bat erostea erabakita nuenean konturatu nintzen ez dela denbora asko AP bat muntatu nuela etxea.

Tp-link etxeko bideratzaile merke bat AP moduan konfiguratua nuena. Software bidezko firewall baten atzean zegoen 8 portuko switch batekin elkarlanean. Asmoa zen wifi eta kable bidezko konexioak elkarbanatzea firewall horrek ematen zidan lasaitasunarekin.

Ezer erosi aurretik eta kontzeptu gisa, AP-a bideratzaile moduan konfiguratu eta zuzenean internet daukan bideratzailearekin konektatu dut. Hasierako bideratzailera beharrezkoa da ez baitaukat ont bat eta gainera irakurri dudanez bateragarritasun arazo asko omen daude.

Konexioa bi bideratzailetan lehendabiziko portuan egin behar da. Internet menuan ip dinamikoa aukeratu eta mac klonazioa ere markatuko dugu. Bukatzeko bidalketa honen hasieran dagoen irudiko datuak bete ditut. Garrantzitsuena: iptv/vlan markatu, gero custom eta internet vlan id 20 eta prioritatea 0. Beste datuak asmatu egin ditut.

Ubuntu kanpoko disko batean

Oraingo honetan laneko windows ordenagailuan linux nola instalatu nuen partekatuko dut. Lehendabizi barneko diskoa zatitzea pentsatu nuen baina lanean bitlocker delakoa erabiltzen dugu. Azken finean diskoa enkriptatzeko balio du. Desenkriptatu beharko nuke linux instalatu eta berriro enkriptatu. Eta gaizki aterako balitz ordenagailua berriz prestatu beharko, alferkeria handia. Beste alde, kanpoko disko bat erabilita , berrerabili dezaket beste ordenagailu batean. Azkenean horrela egitea erabaki nuen.

Jarraitu irakurtzen →

Zentyal instalatzen

Easy linux alternative to windows server lelopean aurkezten dute. Eta arrazoirik ez dute falta.

Urte batzuk lehenago suebakien mundua ulertzen ikasten ari ginen. iptables madarikatua!. Garaje bat, ordenagailu mordoa, kea, garagardoak,… A ze garai polita eh Enekoitz!!. Orduan ezagutu genuen Ipcop eta txundituak gelditu ginen.

Beranduago Ebox platform 3 erabiltzen hasi nintzen… langabetuentzako ikastaro batean ezagutu nuen. Su ebakia, vpn-a, ldap, samba, … Denborarekin gauza asko asko aldatu dituzte, batzuetan gehitu, bestetan kendu eta noiz pribatizatuko duten zain, baina, momentu hori ez da iristen.

Jarraitu irakurtzen →

Proxmox instalatzen

Oraingo honetan proxmox nola instalatu dudan azalduko dut. Zergatik proxmox? Txukuna, Software librea eta euskaraz.

Hasteko dvd batean grabatu behar izan dut. Zergatia ez dut asmatu baina usb gailu batetik ezin izan dut instalatu. Beraz dvd irakurgailu zaharra hartu , isoa deskargatu eta dvd batean grabatu dut. Ordenagailua cd-tik hasteko bios-ean konfiguratu eta listo.

Instalazioa oso erraza da. Jarraitu, jarraitu, … motatakoa. Hasieran lizentzia onartuko dugu eta lokalizazioa eskatuko du. Hurrengo pausuan root pasahitza eta eposta idatzi beharko ditugu.

Jarraitu irakurtzen →

Zerbitzari berria

Gutxienez 10 urte pasa dira aurreko zerbitzaria prestatu nuenetik. Zerbitzari xumea 500 euro inguru ordaindu dut baina etxean jolasean ibiltzeko nahikoa da. Osagaiak hauek izango lirateke:

  • asus prime B450m- a
  • amd ryzen 5 3600
  • Corsair vs450
  • Hyperx fury 8gb ( bai ,oso gutxi, dohaintzak baimenduak daude ;))
  • Crucial Bx500 1tb
  • 10 gtek sare txartela dual rj45

Momentuz eta memoria gehitu arte ezin izango dut gauza handirik egin baina nire nahitanaiezkoak instalatu ditut jadanik eta izugarrizko diferentzia nabaritu dut, lehen i3 bat nuela kontutan izanda…..

Lehenik eta behin Proxmox VE instalatu dut. Hau birtualizazio plataforma bat da. Gero makina birtualak instalatzen ditut. LXC kontainerrak ere instalatu ditzagu.

Lehendabizikoa ,Zentyal; hau windows zerbitzari moduko bat da baina software librea eta ubuntu batean oinarritua. Firewall, ldap, vpn, samba fitxategi zerbitzaria, etab, eduki ditzakegu. Txartel nagusikoa rj45 portua proxmox eguneratzeko erabiliko dugu baina erositako duala zentyalerako izango da. Hau eginda etxeko sarea zentyalen atzean babestua edukiko dugu.

Beste ezinbesteko bat: nextcloud. Etxekoen argazkiak igotzeko, egutegiak partekatu, rss-ak irakurzeko,… zerrenda ezingo nuke bukatu, denetik baitauka.

Eta bukatzeko azkeneko aurkikuntza: Hassio edo home Assistant. Oraindik gauza gutxi egiteko aukera izan dut baina telebista, ps4, mugikorrak eta entxuferen bat kontrolatzen hasi naiz. Informazioa jaso eta datuekin jolastu. azkeneko esperimentuan… telegram mezu bat jasotzen dutgu etxera eta lanera iristean….

Hurrengo post-etan azaltzen saiatuko naiz…

Openhab 2. Instalazioa

Aurreko postan Openhab probatu behar nuela esan eta ezin izan ditut bi egun pasa instalatu gabe.

Hassio baino erakargarriago iruditzen zait eta aukera aldetik nahiko pareko izan daiteke, baina gailu berrien konfigurazioa ez da hain automatikoa. Hala ere, oraindik goiz da ondorioak ateratzeko.

Beste alde, ez dago erabiltzaile (pasahitza) desberdinak konfiguratzeko aukerarik, Beraz, internetera ateratzeko vpn bat edo/ta beraien cloud zerbitzua erabili beharko dugu. Doakoa omen da.

Gaur ubuntu server 20.04 bat muntatu dut instalazioa egiteko. Openhab instalatzeko paketearen iturria ubuntu-n gehitu ondoren instalatuko dugu, baita gehigarriak ere.

sudo apt install gnupg2
sudo apt install software-properties-common
wget -qO - 'https://bintray.com/user/downloadSubjectPublicKey?username=openhab' | sudo apt-key add -
sudo apt install apt-transport-https
echo 'deb https://dl.bintray.com/openhab/apt-repo2 stable main' | sudo tee /etc/apt/sources.list.d/openhab2.list
sudo apt update
sudo apt install openhab2
sudo apt install openhab2-addons

Openhabek java erabiltzen du eta aukera desberdinetatik beraiek zulu gomendatzen dute. Nik , zintzo zintzo honela instalatu dut:

sudo apt-key adv --keyserver hkp://keyserver.ubuntu.com:80 --recv-keys 0x219BD9C9
sudo apt-add-repository 'deb http://repos.azulsystems.com/ubuntu stable main'
sudo apt update
sudo apt install zulu-8

Beharrezko guztiak instalatu eta gero openhab abiaraziko dugu .

sudo systemctl start openhab2.service
sudo systemctl daemon-reload
sudo systemctl enable openhab2.service

Openhab web bidez kontrolatuko dugu: IP_Helbidea:8080 nabigatzailean sartuz. Irekitzen dugun lehen aldian, Ui-a aukeratu behar dugu eta ondoren, konfiguratzen hasteko, paper-ui hautatu.

Gailu bat hautatzeko, menuan addons > bindigs-era jo dut eta han gailua bilatu. Gailu bat hautatzerakoan zuzenean inbox karpetara joango da. Han gailua hautatu eta dituen aukerak ikusiko ditugu. Aukera bakoitzeko item bat edo gehiago aukeratu beharra dago. Items-ak gailu baten aukerak dira.

Nextcloud eta ldap

Ldap modulua aktibatu ahal izateko hurrengo paketea instalatu beharko dugu eta gero nextcloudeko aplikazioetan ldap aktibatuko.

sudo apt install php7.5-ldap
sudo systemctl reload apache2

Ezarpanetan> Administrazio azpian aurkituko dugu ldap /ad integrazioa. Bertan aurkituko dugu konfigurazioa atala.

1.Zerbitzaria

Ldap zerbitzarira konektatzeko behar ditugun datuak hemen sartuko ditugu. Datuak norberaren ldap zerbitzarian bilatu beharko dira.

  • Zerbitzaria: adibidea.eus
  • ldap erabiltzailea: cn=ldaperabitzailea,cd=erabiltzaileak,dc=adibidea,dc=eus
  • ldap erabiltzailearen pasahitza: pasahitza
  • Oinarrizko dn: dc=adibidea,dc=eus
Jarraitu irakurtzen →