Gaur Immich eguneratu dut nire homelab-eko Podman makinan, v3.2.4 bertsiotik v3.3.5 bertsiora. Hau da egin dudan prozesua, hurrengoan ahaztu ez zaidan.
Aurretik: begiratu zer aldatu den
Immich-ek release etiketa erabiltzen dut, beraz pull egitean azken bertsioa jaisten du. Hori dela eta, lehenik eta behin bertsio-oharrak irakurri nituen. v3.3.0 bertsioak funtzio berriak ekarri ditu (pertsonak partekatzea, urtebetetze-oroitzapenak…) eta datu-baseko migrazio bat ere badauka, beraz kontuz.
1. Snapshot-a Proxmox-en
Ezer ukitu aurretik, Podman-en VM-aren snapshot-a egin nuen Proxmox-en. Datu-baseko migrazioa ez da bere kabuz desegiten, eta snapshot-arekin minutu batean itzul naiteke atzera.
2. Bertsio berria jaitsi eta egiaztatu
Martxan dagoen Immich-i ukitu gabe, irudi berria jaitsi eta bere bertsioa begiratu nuen:
podman pull ghcr.io/immich-app/immich-server:release
podman image inspect ghcr.io/immich-app/immich-server:release \
--format '{{index .Labels "org.opencontainers.image.version"}}'
Emaitza: v3.3.5.
3. Zerbitzaria berrabiarazi
Quadlet-ekin, edukiontzia irudi lokaletik birsortzen da zerbitzua berrabiaraztean. Immich-en zerbitzua bakarrik berrabiarazi dut, Postgres eta Redis ukitu gabe:
systemctl --user restart immich-server
journalctl --user -u immich-server -f
Hasieran errore bat agertu zen logetan, baina gero dena garbi geratu zen: migrazioa ondo amaitu da.
4. Egiaztapena
- Zerbitzariak bertsio berria erakusten du.
- Weba ireki dut eta argazkiak ikusten dira.
- Mugikorreko aplikazioa ere eguneratu behar da, zerbitzariaren bertsioarekin bat etor dadin.
Ikasitakoak
- Bertsio nagusi bat salto egin aurretik, beti irakurri migrazio-gida.
- Snapshot-a lehenengo, eguneraketa gero.
- Datu-baseak (
immich_postgres) ez ditut ukitzen,pullsoil batekin ez baitira eguneratzen.
